Böyük Britaniya Səudiyyə Ərəbistanını husilərin hücumlarından qorumaq üçün qırıcı təyyarələr göndərəcək
London, 20 oktyabr, AZƏRTAC
Böyük Britaniya husilərin Səudiyyə Ərəbistanına qarşı raket və pilotsuz uçuş aparatları ilə hücumlarının intensivləşməsi fonunda bu ölkənin müdafiəsini gücləndirmək məqsədilə Kral Hərbi Hava Qüvvələrinə məxsus “Typhoon” qırıcı təyyarələrini bölgəyə göndərəcək.
AZƏRTAC BBC-yə istinadla xəbər verir ki, Britaniya hökumətinin açıqlamasına əsasən, Baş nazir Endi Börnhemin təsdiqlədiyi missiyanın əsas məqsədi Səudiyyə Ərəbistanının şəhərlərini və mühüm infrastruktur obyektlərini hava hücumlarından qorumaqdır. Qərar husilərin Səudiyyə Ərəbistanının paytaxtı Ər-Riyada, eləcə də ölkənin sahilyanı ərazilərində yerləşən enerji obyektlərinə hücumlarından sonra qəbul edilib.
Böyük Britaniyanın müdafiə naziri Ues Stritinq bəyanat yayaraq bildirib ki, qırıcı təyyarələrdən yalnız müdafiə məqsədilə istifadə olunacaq və husilərə qarşı hücum əməliyyatlarında iştirak etməyəcək.
Bölmənin digər xəbərləri
