Böyük Britaniyanın Bristol şəhərində irqçiliyə qarşı etiraz aksiyası keçirilib
London, 8 iyun , AZƏRTAC
Böyük Britaniyanın Bristol şəhərində irqçiliyə qarşı etiraz aksiyası keçirilib. On min nəfərin iştirak etdiyi etirazlar ABŞ-da afroamerikalı Corc Floydun polis tərəfindən qətlə yetirilməsindən sonra başlayıb.
AZƏRTAC xəbər verir ki, aksiya zamanı etirazçılar XVII əsrdə qul ticarəti ilə məşğul olan Edvard Kolstonun tuncdan olan heykəlini yerə endirərək Avon çayına atıblar.
Qeyd edək ki, tacir, Afrikadan Amerikaya 80 minə yaxın qadın, kişi və uşağın daşınmasını həyata keçirən “Royal” Afrika şirkətinin nümayəndəsi olub. 1721-ci ildə sərvətini xeyriyyə cəmiyyətlərinə bağışlayıb. Heykəl 1895-ci ildə Kolstonun xatirəsini əbədiləşdirmək üçün hazırlanıb. Şəhər əhalisi heykəlin götürülməsi üçün dəfələrlə imza toplayıb.
Aynurə Tağıyeva
AZƏRTAC-ın xüsusi müxbiri
London
Bölmənin digər xəbərləri
