bp ŞİRKƏTİ AZƏRBAYCANDA BİOMÜXTƏLİFLİYƏ HƏSR OLUNMUŞ MÜSABİQƏ KEÇİRİR
AZƏRTAC-ın müxbiri xəbər verir ki, tədbirdə bp-nin nüfuz məsələləri üzrə vitse-prezidenti Rocer Nann, Milli Məclisin təbii ehtiyatlar, energetika və ekologiya məsələləri daimi komissiyasının sədri Asya Manafova, Milli Elmlər Akademiyası Botanika İnstitutunun direktoru Vaqif Hacıyev bizi əhatə edən flora və faunanın zənginliyinin qorunmasına həsr edilmiş bu müsabiqənin əhəmiyyətindən danışmış, xeyirxah niyyətli təşəbbüsünə görə bp və tərəfdaşlarına minnətdarlıqlarını bildirmişlər.
Müsabiqəyə təqdim olunmuş 28 layihə arasından respublikamızın tanınmış elm xadimlərinin, ekspertlərin və bp nümayəndələrinin ümumi rəyi əsasında seçilmiş 5 layihənin müəlliflərinə 25 min ABŞ dolları məbləğində mükafatlar təqdim edilmişdir.
