Braziliyada koronavirus infeksiyasına yoluxanların sayı 4 milyon nəfəri ötüb
Bakı, 3 sentyabr, AZƏRTAC
Braziliyada COVID-19 xəstəliyinə səbəb olan koronavirus infeksiyasına yoluxanların sayı 4 milyon nəfəri ötüb.
AZƏRTAC pandemiyanın statistikasını aparan Worldometer saytına istinadla xəbər verir ki, sentyabrın 2-də ölkədə koronavirus infeksiyasına yoluxanların sayı 48 min 632 nəfər artaraq 4 milyon 1422 nəfərə, ölənlərin sayı isə 1218 nəfər artaraq 123 min 899 nəfərə çatıb. Hazırda müalicəsi davam edən 667 min 118 xəstədən 8 min 318 nəfərin vəziyyəti ağır qiymətləndirilir. Eyni zamanda, ölkədə 3 milyon 210 min 405 nəfərin COVID-19 xəstəliyindən sağaldığı bildirilir.
Braziliya həm COVID-19 xəstəliyinə yoluxanların, həm də ölənlərin sayına görə ABŞ-dan sonra 2-ci yeri tutur.
Qeyd edək ki, Çin hökuməti 2019-cu il dekabrın 31-də ölkənin mərkəzi hissəsində yerləşən Hubey əyalətinin Uxan şəhərində naməlum pnevmoniyanın yayılmağa başladığı barədə Ümumdünya Səhiyyə Təşkilatını məlumatlandırıb. Mütəxəssislər xəstəliyə yeni koronavirusun səbəb olduğunu müəyyən edib və sonradan həmin xəstəlik rəsmən COVID-19 adını alıb. Mart ayının 11-də Ümumdünya Səhiyyə Təşkilatı yeni koronavirus infeksiyasının yayılmasını pandemiya elan edib.
Bölmənin digər xəbərləri
