BRED PİTT PAKİSTAN XƏSTƏXANASINA 40 ƏDƏD ORTOPEDİK ÇARPAYI BAĞIŞLAMIŞDIR
AZƏRTAC UPİ agentliyinə istinadla xəbər verir ki, tanınmış Hollivud aktyoru Bred Pitt İslamabad xəstəxanalarından birinə zəlzələdən ziyan çəkənlər üçün 40 ortopedik çarpayı hədiyyə etmişdir.
Bred Pitt noyabr ayında BMT-nin Qaçqınların İşləri üzrə Agentliyinin xoşməramlı səfiri Anjelina Joli ilə Pakistanda olarkən bunun üçün 100 min dollardan çox ianə ayırmışdır.
Xatırladaq ki, oktyabrın 8-də baş vermiş zəlzələ 73 mindən artıq pakistanlının həyatına son qoymuş, 70 mindən çox adam yaralanmışdır.
