BRİTANİYA BİZNESMENLƏRİ AZƏRBAYCANLA İŞGÜZAR ƏMƏKDAŞLIQ İMKANLARINI ÖYRƏNƏCƏKLƏR
Britaniyanın bir qrup biznesmeni azərbaycanlı həmkarları ilə işgüzar əməkdaşlıq imkanlarını öyrənmək üçün fevralın 9-da Azərbaycana gəlir. Bu, İngiltərəli iş adamlarının Aberdin və Qrampian ticarət palataları tərəfindən təşkil edilmiş ilk səfəri deyildir. Bu ölkənin Bakıdakı səfirliyindən AzərTac-ın müxbirinə bildirmişlər ki, fevralın 15-də başa çatacaq səfərdən əsas məqsəd təkcə Azərbaycanın Böyük Britaniya üçün daha çox əhəmiyyət kəsb edən energetika sektorunda deyil, həm də qeyri-neft və qaz sektorlarında da əməkdaşlıq üçün əlaqələr yaratmaqdır.
Biznesmenlər arasında Azərbaycana əvvəllər də gəlmiş və əsasən energetika sektorunda məşğul olan şirkətlərin nümayəndələri vardır. Qrupda ətraf mühitin təhlükəsizliyi, əmək və sağlamlıq, informasiya texnologiyaları, təhsil, neft-qaz sektoru üçün servis, yükdaşımalar sahələrində ixtisaslaşmış bir sıra şirkətlər də təmsil olunmuşdur.
Bölmənin digər xəbərləri
