Britaniya kraliçası II Elizabet 95 yaşını matəm şəraitində keçirir
Bakı, 21 aprel, AZƏRTAC
Aprelin 21-də Böyük Britaniya kraliçası II Elizabetin 95 yaşı tamam olur.
AZƏRTAC xəbər verir ki, Buckingham sarayının “Tvitter” səhifəsində kraliçanın ad gününü Vindzor qəsrində, həyat yoldaşı şahzadə Filippin vəfatı ilə əlaqədar matəm şəraitində keçirdiyi barədə məlumat yerləşdirilib.
İndiyədək II Elizabet ad gününü ailə daxilində qeyd edirdi, günorta isə Londonda kraliçanın şərəfinə atəşfəşanlıq təşkil olunurdu. Ötən il atəşfəşanlıq koronavirus pandemiyası səbəbindən ləğv edilmişdi, bu il isə onun matəmə görə keçirilməyəcəyi gözlənilir. Matəm rəsmi olaraq aprelin 23-dək davam edəcək.
Xatırladaq ki, kraliça II Elizabet iki ad günü keçirir - aprelin 21-də onun həqiqi ad günü, iyun ayının ikinci şənbəsində isə rəsmi ad günü qeyd olunur.
Bölmənin digər xəbərləri
