Britaniya miqrant qayıqlarını Fransaya qaytarmayacaq
London, 18 sentyabr, AZƏRTAC
Britaniya Fransadan La-Manş boğazı vasitəsilə Britaniyaya keçmək istəyən miqrant qayıqlarına müdaxilə edərək onları Fransaya qaytarmayacaq.
AZƏRTAC “The Telegraph” nəşrinə istinadən xəbər verir ki, bu barədə sərhəd təhlükəsizliyi naziri Ancela İql açıqlama verib. O bildirib ki, Böyük Britaniya Fransanın razılığı olmadan qayıqları geri qaytara bilməz: “Əgər miqrantları daşıyan qayıqlarda hər hansı bir hadisə Fransa sularında baş verərsə, onlar Fransaya qaytarılır. Əgər hadisə Britaniya sularında baş verərsə, biz onları Böyük Britaniyada təhlükəsiz yerə gətirəcəyik”, - nazir qeyd edib. O, kiçik qayıqları geri çevirməyin onların batmasına və daha çox miqrantın ölməsinə səbəb ola biləcəyini vurğulayıb.
Aytən Abbaslı
AZƏRTAC-ın xüsusi müxbiri
London
Bölmənin digər xəbərləri
