Britaniyada dövlət qulluqçuları bir il ərzində 3 mindən çox telefon və notbuk itirib
London, 1 may, AZƏRTAC
Britaniyada son 10 ay ərzində 3 mindən çox hökumətə məxsus telefon və notbuk ya itib, ya da oğurlanıb.
AZƏRTAC “Telegraph”a istinadla xəbər verir ki, bu isə hər gün orta hesabla 10 cihazın itirilməsi deməkdir. Bildirilib ki, əksər itkilər Ədliyyə Nazirliyinin payına düşür. Bu qurum təkbaşına təxminən 1000 cihazı itib. Növbəti yerləri Müdafiə Nazirliyi və Daxili İşlər Nazirliyi tutur. Müdafiə Nazirliyi həm də 15 USB yaddaş qurğusunu və 12 kompüteri itirib və ya onların oğurlandığı bildirilib. Nəqliyyat Nazirliyi isə bədənə taxılan dörd kameranı itirib.
Analitiklər bildirirlər ki, bu göstərici ötən ilin noyabrına qədər olan dövrlə müqayisədə daha yüksəkdir.
Hadisə dövlət strukturlarında mümkün təhlükəsizlik pozuntuları, həssas məlumatların yanlış əllərə keçə biləcəyi və vergi ödəyicilərinin vəsaitlərinin israfı ilə bağlı narahatlıqlar doğurub.
Aytən Abbaslı
AZƏRTAC-ın xüsusi müxbiri
London
Bölmənin digər xəbərləri
