Britaniyalı ekspertlər Dövlət Vergi Xidmətində olublar
Bakı, 17 noyabr, AZƏRTAC
İqtisadiyyat Nazirliyi yanında Dövlət Vergi Xidməti (DVX) xarici ölkələrin vergi qurumları ilə beynəlxalq əməkdaşlığı davam etdirir.
AZƏRTAC Dövlət Vergi Xidmətinə istinadla xəbər verir ki, Böyük Britaniya və Şimali İrlandiya Birləşmiş Krallığının Gəlirlər və Gömrük Xidmətinin ekspertləri Entoni Klark və Simon Kimber Sərhədsiz Vergi Müfəttişləri (SVM) proqramı çərçivəsində Dövlət Vergi Xidmətində olublar. Məqsəd britaniyalı ekspertlərin transfer qiymətləri ilə bağlı azərbaycanlı həmkarları ilə fikir mübadiləsi və müzakirələrin aparılması olub.
Qonaqlar Beynəlxalq vergitutma və vergi monitorinqi baş idarəsi və Milli gəlirlər baş idarəsinin rəhbərliyi və əməkdaşları ilə görüşlər keçirib, nəzarət olunan əməliyyatların transfer qiymətlərinin müəyyən edilməsinə dair vergi müfəttişlərini maraqlandıran sualları cavablandırıblar.
Görüşdə, həmçinin Böyük Britaniyanın sözügedən sahədə təcrübəsindən danışılıb.
Bölmənin digər xəbərləri
