BRİTANİYALI HƏRBÇİ MƏXFİ TEXNOLOGİYALAR YAZILMIŞ NOUTBUKU SATMIŞDIR
Qəzetin məlumatına görə, kompüterlərin yoxa çıxmasından ABŞ-ın yüksək vəzifəli şəxsləri Nortvuddakı (Middlseks qraflığı) qanadlı raketlərin əməliyyatlarını dəstəkləmə mərkəzində olduqdan sonra xəbər tutmuşlar. Onlar bundan narahat olduqlarını bildirmişlər ki, sualtı qayıqların təlimləri proqram təminatı ilə lazımınca təmin edilməmişdir.
“Deyli teleqraf” yazır: “Silahlar üzrə mühəndis, baş starşina Pol Kruks dindirilmiş və qumarxanaya borclarını ödəmək üçün mərkəzin kompüterlərini, digər avadanlığını satdığını boynuna almışdır”. Demə, onun qumarxanaya 120 min funt sterlinqdən çox borcu varmış.
İstintaq zamanı məlum olmuşdur ki, Kruks üstündə “Tamamilə məxfidir – yalnız Birləşmiş Krallıq və ABŞ zabitləri üçündür” sözləri yazılmış informasiya kompüterləri ilə yanaşı, əməkdaşlar üçün qəhvə alınmasına ayrılmış 230 funt sterlinqi də oğurlamışdır.
Bölmənin digər xəbərləri
