BRÜSSELDƏ KİPRİN VAHİDLİYİNİN BƏRPASINA BEYNƏLXALQ MALİYYƏ YARDIMINA HƏSR OLUNMUŞ KONFRANS ÖZ İŞİNƏ BAŞLAMIŞDIR
Konfransda iştirak edən 34 dövlətin, beynəlxalq maliyyə qurumları və humanitar yardım təşkilatlarının nümayəndələri Kiprin vahidliyi naminə göstərəcəkləri maliyyə yardımına dair planları müzakirə edirlər.
Avropa Komissiyasının məsul nümayəndəsinin verdiyi məlumata görə, konfrans iştirakçıları yekdilliklə Kiprin vahidliyi yolunda maliyyə dəstəyini əsirgəməyəcəklərini bildirmişlər.
Konfransda ABŞ-ın Beynəlxalq İnkişafa Yardım Təşkilatı Kiprdə vahid dövlət quruculuğuna 400 milyon dollar həcmində yardım planlaşdırdığını bəyan etmiş və bildirmişdir ki, Kiprin yunan və türk icmalarının aprelin 24-də keçiriləcək referendumunda BMT planına yekdilliklə razılıq verəcəkləri təqdirdə ABŞ yardımı daha da artıracaqdır.
Bölmənin digər xəbərləri
