Brüsselin mərkəzi yollarına minlərlə traktor çıxarılıb, nəqliyyat iflic olub
Bakı, 4 mart, AZƏRTAC
“Yaşıl gündəlik” proqramı çərçivəsində heyvandarlıq təsərrüfatlarının bağlanmasına etiraz edən fermerlər Brüsselin mərkəzi yollarını traktorlarla bağlayıblar. Polisin məlumatına görə, Brüssel küçələri ilə hərəkət edən böyük kortejdə təxminən 2700 traktor var, nəqliyyat iflic olub.
AZƏRTAC TASS agentliyinə istinadla xəbər verir ki, nümayişçilərin şəhər hakimiyyəti ilə razılaşdırdığı nümayişin marşrutu 10 kilometri ötüb. Müxtəlif istiqamətlərdən şəhərə gələn traktorlar səbəbindən ciddi nəqliyyat problemləri yaranıb.
Ölkənin şimalındakı Flandriya hökumətinin qəbul etdiyi plana görə, Aİ-nin “yaşıl gündəliyi” çərçivəsində azot tullantılarını azaltmaq üçün onlarla iri ferma bağlanmalıdır. Aksiyanın təşkilatçıları - Belçika fermerlərinin həmkarlar ittifaqları assosiasiyası hesab edir ki, bu cür addımlar Belçikada heyvandarlıq sənayesinin məhvinə gətirib çıxaracaq.
Bölmənin digər xəbərləri
