Bu günədək Qazaxıstanda koronavirusdan 35 ölüm faktı qeydə alınıb
Nur-Sultan, 21 may, AZƏRTAC
Qazaxıstanın Atırau bölgəsinin Tengiz yatağında işçilər arasında ümumilikdə 935 koronavirusa yoluxma faktı qeydə alınıb.
AZƏRTAC xəbər verir ki, Qazaxıstanın baş sanitar həkimi Ayjan Yesmaqambetovanın sözlərinə görə, bu müəssisənin əməkdaşları arasında koronavirus hallarının artmasının səbəblərindən biri onların kollektiv şəkildə çalışanlardır.
Ayjan Yesmaqambetova bildirib ki, karantin qaydalarına ciddi əməl olunmazsa, xəstələrin sayı arta bilər.
Xatırladaq ki, baş sanitarın məlumatına görə, karantin rejiminin yüngülləşməsindən sonrakı həftə ərzində Qazaxıstanda koronavirus hallarının 15 faiz artması müşahidə olunur.
Qeyd edək ki, yeni koronavirus pandemiyası başladığı gündən Qazaxıstanda 6969 yoluxma halı qeydə alınıb, 3714 nəfər sağalıb, 35 nəfər isə dünyasını dəyişib.
İlahə Əhmədova
AZƏRTAC-ın xüsusi müxbiri
Nur-Sultan
Bölmənin digər xəbərləri
