Bu il Azərbaycanda 271 nəqliyyat vasitəsində yanğın baş verib VİDEO
Bakı, 22 oktyabr, AZƏRTAC
2025-ci ilin ötən dövrü ərzində Azərbaycanda 271 nəqliyyat vasitəsində yanğın hadisəsi baş verib.
AZƏRTAC xəbər verir ki, bunu Fövqəladə Hallar Nazirliyinin (FHN) Dövlət Yanğın Nəzarəti Xidmətinin rəis müavini Cəmil Xudiyev FHN-in təşəbbüsü, Azərbaycan Yerüstü Nəqliyyat Agentliyinin və Daxili İşlər Nazirliyinin (DİN) Baş Dövlət Yol Polisi İdarəsinin iştirakı ilə “Nəqliyyatda və sərnişindaşımada yanğın təhlükəsizliyi” mövzusunda keçirilən tədbirdə bildirib.
C.Xudiyev qeyd edib ki, nəticədə 1 nəfər həyatını itirib, 18 nəfər xəsarət alıb. Nəqliyyat vasitələrinə 2 milyon 282 min 435 manat həcmində ziyan dəyib.
Son 5 ildə isə 1689 nəqliyyat vasitəsində yanğın hadisəsi qeydə alınıb. Bunlardan 104 hadisə yol hərəkəti qaydalarının pozuntusu ilə bağlı olub. 1151 hadisə isə nəqliyyat vasitələrinin texniki istismar qaydalarının pozuntusu nəticəsində baş verib".
Bölmənin digər xəbərləri
