Bu il Kəngərli rayonunda 6,3 hektar sahədə yaşıllaşdırma tədbirləri aparılıb
Kəngərli, 21 iyul, AZƏRTAC
Muxtar respublikanın bütün bölgələrində olduğu kimi, Kəngərli rayonunda da yaşıllaşdırma, meşəsalma və meşəbərpa tədbirlərinə xüsusi diqqət yetirilir, bu tədbirlər zamanı uzun müddət istifadə olunmayan torpaq sahələrində yeni meyvə bağları və yaşıllıq sahələri salınır.
Kəngərli Rayon Statistika İdarəsindən AZƏRTAC-ın Naxçıvan bürosuna bildirilib ki, təkcə cari ildə yaşıllaşdırma aylıqları çərçivəsində rayonda 6,3 hektar sahədə meşəsalma və meşəbərpa işləri aparılıb, ümumilikdə, rayonun müxtəlif yerlərində 2 min 900 meyvə, o cümlədən 800 badam, 1300 tut tingi, 300 çinar, 200 meşə ağacı, 1250 həmişəyaşıl ağac, 800 qızılgül kolu əkilib.
Qeyd edək ki, həyata keçirilən yaşıllaşdırma tədbirlərində rayonun dövlət qurumlarının kollektivləri ilə yanaşı, sadə vətəndaşlar da yaxından iştirak ediblər. Bu isə vətəndaş həmrəyliyini ortaya qoymaqla bərabər, insanlarda ekoloji təfəkkürün formalaşmasında, ümumi evimiz olan ana təbiətə qayğı göstərilməsində böyük rol oynayır.
Bölmənin digər xəbərləri
