Bundestaqın deputatı: Minsk qrupu diplomatik həll prosesində fəal olmalıdır
Bakı, 4 aprel, AZƏRTAC
Almaniya Bundestaqının Xristian Demokrat İttifaqından olan deputatı Mark Hauptmann Ermənistan-Azərbaycan qoşunlarının təmas xəttində baş verən son hadisələrlə bağlı açıqlama ilə çıxış edib. Bu barədə AZƏRTAC-a Avropa Azərbaycan Cəmiyyətindən məlumat verilib.
Deputat deyib: “Biz Dağlıq Qarabağ münaqişəsinin hər iki tərəfdən itkilərə gətirə biləcək hərbi yolla həll edilməsinə qarşıyıq. Biz məsələnin diplomatik yolla həllinə tərəfdarıq”.
Mark Hauptmann qeyd edib ki, Almaniyanın da iştirak etdiyi Minsk qrupu diplomatik həll prosesində fəal olmalıdır. Başlıca məqsəd atəşkəsə nail olmaqdır. Minsk qrupunun cəhdlərinin uzunmüddətli məqsədinə dair heç bir şübhə olmamalıdır. Söhbət Ermənistan tərəfindən işğal edilmiş Dağlıq Qarabağ bölgəsinin Azərbaycana qaytarılmasından gedir. Bu məqsəd 1993-cü ildən bəri mövcuddur və Birləşmiş Millətlər Təşkilatı Təhlükəsizlik Şurasının dörd qətnaməsi ilə (882, 853, 874, 884) təsdiq edilib. Münaqişənin dondurulması və gözləmə mövqeyi prinsipini artıq qəbul olunmur. Bu prinsip beynəlxalq birlik tərəfindən tənqid hədəfinə çevrilməlidir.
Bölmənin digər xəbərləri
