Cənubi Koreyada iki binada yanğın baş verib, xəsarət alanlar var
Bakı, 20 oktyabr, AZƏRTAC
Cənubi Koreyanın Seul şəhərinin Qanqnam rayonunda iki ticarət binasında baş verən yanğınlar nəticəsində 19 nəfər xəsarət alıb. Onlardan birinin vəziyyəti ağırdır.
AZƏRTAC xəbər verir ki, bu barədə “Yonhap” xəbər agentliyi məlumat yayıb. Qeyd edilib ki, yanğınlar yerli vaxtla saat 11:54 və 12:01-də baş verib. Hadisə yerlərinə 115 yanğınsöndürən və 56 texnika cəlb olunub. İlk binada olan təxminən 60 nəfər təxliyə edilib.
Rəsmilərin bildirdiyinə görə, ilkin araşdırmalarda iki yanğın arasında əlaqə müəyyən edilməyib.
Bölmənin digər xəbərləri
