CƏNUBİ QAFQAZDA MÜNAQİŞƏLƏRİN HƏLLİNİ İSTƏMƏYƏN QÜVVƏLƏR VARDIR
AZƏRTAC-ın xüsusi müxbiri xəbər verir ki, Tbilisidə “Cənubi Qafqazda demokratiyanın inkişafı” mövzusunda keçirilən seminarda politoloq Georgi Xutsişvili Cənubi Qafqazda münaqişələrin həlli probleminə toxunaraq demişdir: Dağlıq Qarabağ, Abxaziya və Cənubi Osetiya problemlərinin həlli digər münaqişələrin də tənzimlənməsinə yol açacaqdır. Lakin postsovet məkanında və onun hüdudlarından kənarda elə qüvvələr var ki, bunu istəmirlər. Çünki yaxşı bilirlər ki, Dağlıq Qarabağ münaqişəsinin həlli digər münaqişələrin də aradan qaldırılmasına təkan verəcəkdir. Buna görə də bu sahədə problemlər yaratmağa çalışırlar.
Onun fikrincə, Kosovo variantının Cənubi Qafqaz münaqişələrinə tətbiqi olduqca təhlükəlidir.
Bölmənin digər xəbərləri
