“Çelsi”nin sabiq futbolçusu Co Koul yaşıl meydana qayıdıb
Bakı, 15 aprel, AZƏRTAC
2018-ci ildə futbolçu karyerasını bitirdiyini açıqlayan İngiltərə millisinin və “Çelsi”nin sabiq futbolçusu Co Koul yaşıl meydana qayıdıb.
AZƏRTAC xəbər verir ki, o, İngiltərənin 11-ci divizion təmsilçisi “Belston” klubuna keçib. Qırx yaşlı yarımmüdafiəçi yeni komandasında ilk oyununa da çıxıb. O, “Belston”un “Herfild Yunayted”i 2:1 hesabı ilə məğlub etdiyi matçda iştirak edib.
Qeyd edək ki, Co Koul İngiltərədə “Çelsi”, “Liverpul”, “Vest Hem”, “Aston Villa” kimi klublarda çıxış edib. O, İngiltərə yığmasında 56 oyunda 10 qol vurub.
Bölmənin digər xəbərləri
