“Chevron” “Noble Energy” üçün 5 milyard dollar ödəyəcək
Bakı, 21 iyul, AZƏRTAC
ABŞ-ın neft nəhəngi “Chevron” şirkəti “Noble Energy” şirkətini almaq üçün 5 milyard dollar ödəyəcək.
AZƏRTAC xarici KİV-lərə istinadla xəbər verir ki, “Chevron Corp” “Noble Energy Inc”in səhmləri üçün 5 milyard dollar ödəməyə razılıq verib.
“Chevron” xam neft qiymətlərində ən sərt enmə səbəbindən Permian hövzəsində güc qazanmaq istəyir.
Bu sövdələşmə “Occidental Petroleum Corp.”un keçən il “Anadarko Petroleum Corp.”u almaq üçün “Chevron”dan çox, yəni 37 milyard dollarlıq təklifindən indiyədək bu sektorda ilk böyük razılaşma olacaq.
“Chevron” həm Permian hövzəsində, həm də Koloradadakı “Denver-Julesburg” hövzəsində iştirakını artıracaq. Şirkətin təsdiq olunmuş ehtiyatları isə təxminən 18 faiz artacaq.
Bölmənin digər xəbərləri
