Çexiyada terror ehtimalına görə təhlükəsizlik tədbirləri gücləndirilib
Bakı, 9 iyun, AZƏRTAC
Çexiya polisi mümkün terror aktı ilə bağlı məlumatlara görə ictimai yerlərdə təhlükəsizlik tədbirlərini gücləndirib.
AZƏRTAC xəbər verir ki, bu barədə “İdnes” xəbər portalı məlumat yayıb.
Portalın məlumatına görə, vağzallarda, ictimai nəqliyyatda və ticarət mərkəzlərində təhlükəsizlik tədbirləri gücləndirilib.
Çexiya Baş nazirinin birinci müavini və daxili işlər naziri Vit Rakuşan bildirib ki, polis profilaktik təhlükəsizlik tədbirləri görür.
"Şübhəli şəxs saxlanılıb, lakin buna baxmayaraq, ehtiyat tədbiri olaraq gücləndirilmiş təhlükəsizlik tədbirləri görülüb", - nazir özünün X (keçmiş Twitter) hesabında yazıb. Təfərrüatlar barədə Dövlət Təhlükəsizlik Şurasının iclasından sonra ictimaiyyətə məlumat veriləcək.
Bölmənin digər xəbərləri
