Çin ABŞ və Filippinin birgə bəyanatını qınayıb
Pekin, 13 aprel, AZƏRTAC
Rəsmi Pekin Çinin Cənubi dənizindəki bəzi dənizçilik fəaliyyətinin "qanunsuz" olduğu iddialarını əks etdirən ABŞ- Filippin birgə bəyanatını qınayıb.
AZƏRTAC xəbər verir ki, Çin Xarici İşlər Nazirliyinin rəsmisi Van Venbin birgə bəyanatın Çinin qanuni dəniz hüququnu həyata keçirmə fəaliyyətini təhrif etdiyini söyləyib. O, Çinin ABŞ-Filippin birgə bəyanatını qətiyyətlə rədd etdiyini bildirib.
Qeyd edək ki, Filippinin xarici işlər və müdafiə nazirləri Karlito Qalvez və Enrike Manalonun aprelin 11-də Vaşinqtonda amerikalı həmkarları Antoni Blinken və Lloyd Ostin ilə “2+2” formatındakı görüşündə bigə bəyanat qəbul olunub. Sənəddə tərəflərin müdafiə və təhlükəsizlik sahəsində əməkdaşlığı genişləndirmək niyyətləri ilə yanaşı, Filippinin suveren hüquqlarının olduğu Cənubi Çin dənizində təhdidedici və təxribatçı fəaliyyətinə son qoyması üçün Çinə çağırış edilib, qlobal təhlükəsizlik və rifahın əvəzolunmaz elementi kimi Tayvan boğazında sabitliyin təminatının vacibliyi vurğulanıb.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
