“ÇİN MEMARLIĞI: KEÇMİŞ VƏ MÜASİRLİK”
misal gətirirlər, çünkü onlarda bu mədəniyyətin canlı təcəssümünü görürlər. Böyük Çin səddi, Ququn sarayı, Pekində Səma məbədi və başqaları qədim Çin sivilizasiyasının rəmzləridir. Qədim Çin memarlığı dünya memarlığında xüsusi yer tutur.
AZƏRTAC xəbər verir ki, iyunun 6-da Memarlıq və İnşaat Universitetində Çinin ölkəmizdəki səfirliyi və Azərbaycan-Çin Dostluq və Əməkdaşlıq Cəmiyyəti ilə birgə təşkil olunmuş “Çin memarlığı: keçmiş və müasirlik” adlı konfrans bu memarlıq incilərinin xüsusiyyətlərinə həsr edilmişdi.
Konfransı universitetin rektoru, professor Gülçöhrə Məmmədova açaraq, bu qədim ölkə ilə münasibətlərin əsasının ümummilli liderimiz Heydər Əliyev tərəfindən qoyulduğunu bildirmiş, ulu öndərin Çin Xalq Respublikasına 1994-cü il, Azərbaycan Prezidenti İlham Əliyevin 2005-ci il dövlət səfərlərini xatırlatmışdır.
Rektor konfransı dostluq və əməkdaşlığa daha bir töhfə adlandırmışdır.
Azərbaycan-Çin Dostluq və Əməkdaşlıq Cəmiyyətinin icraçı katibi Rafiq Abbasov ölkələrimizin ənənəvi siyasi və iqtisadi əlaqələrinin inkişafında ümummilli liderimiz Heydər Əliyevin və Prezident İlham Əliyevin dövlət səfərlərinin tarixi rolunu xüsusi qeyd etməklə bərabər, dövlətlərimiz arasında mədəni mübadilənin genişləndirilməsində xalq diplomatiyasının rolunu da vurğulamışdır. O, Çinin nadir memarlıq irsindən bəhs edərək məlumat vermişdir ki, cəmiyyət 2006-cı ili Çin mədəniyyəti və Azərbaycan–Çin qarşılıqlı əlaqələri ili elan etmişdir. İcraçı katibin sözlərinə görə, artıq il çərçivəsində Çin musiqisi gecəsi keçirilmişdir.
Çinin ölkəmizdəki səfiri Çjan Xayçjou, Qazaxıstan səfirliyinin müşaviri Bağdat Seytbattalov konfrans iştirakçılarına uğur arzulamışlar.
Sonra “Çinin mağara məbədləri”, “Çin şəhərsalması: tarixi retrospektiv və müasirlik”, “Çin Xalq Respublikası memarlıq məktəbləri ilə elmi əlaqələr”, “Çinin saray memarlığı” və “Orta əsr Çin memarlığı” mövzularında məruzələr dinlənilmişdir.
Bölmənin digər xəbərləri
