Çin ordusunun iki generalı istintaqa cəlb olunub
Pekin, 24 yanvar, AZƏRTAC
Çində iki general - Can Yousia və Liu Cenli haqqında ciddi intizam və qanun pozuntuları şübhəsi ilə təhqiqat başlanıb.
AZƏRTAC xəbər verir ki, bu barədə ölkənin Müdafiə Nazirliyi açıqlama yayıb.
Can Yousia Çin Xalq Azadlıq Ordusunun (ÇXAO) ali idarəetmə orqanı olan Mərkəzi Hərbi Şuranın sədr müavini, həm də Çin Kommunist Partiyası (ÇKP) Mərkəzi Komitəsinin Siyasi Bürosunun üzvüdür. Liu Cenli isə Mərkəzi Hərbi Şuranın üzvü və onun CMC-nin üzvü, CMC birləşmiş qərargahın aparat rəhbəridir.
Nazirliyin məlumatına görə, onların istintaqa cəlb edilməsi qərarı ÇKP Mərkəzi Komitəsi tərəfindən verilib.
General Can Yousia 2017-ci ildən Mərkəzi Hərbi Şuranın sədrinin müavini, 2022-ci ildən isə birinci müavin vəzifəsini tutub.
Qeyd edək ki, ötən ilin oktyabrında Mərkəzi Hərbi Şuranın sədr müavini general He Veydon da daxil olmaqla, bir neçə yüksəkrütbəli hərbçi ÇXAO və ÇKP-nin üzvlüyündən uzaqlaşdırılıb. General He Veydon 2023-cü ilin martında Mərkəzi Hərbi Şuranın sədr müavini seçilmişdi.
Şuranın sədri Çin Xalq Respublikasının Sədri Si Cinpindir.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
