Çində ürək xəstəliklərinin müalicəsi üçün yeni üsul hazırlanıb
Bakı, 18 mart, AZƏRTAC
Çinli alimlər ürək xəstəliklərinin müalicəsi üçün maqnit mayelərinə əsaslanan yeni texnologiya hazırlayıblar.
AZƏRTAC Çinin Sinxua agentliyinə istinadla xəbər verir ki, yeni üsul ürəyin sol qulaqcıq çıxıntısında yaranan trombların qarşısını almağa yönəlib. Bu problem xüsusilə qulaqcıq fibrilyasiyası olan xəstələrdə insult riskini artırır. Məlumata görə, alimlər maqnit hissəciklərindən ibarət xüsusi maye hazırlayıblar. Bu maye bədənə daxil olduqdan sonra dar və mürəkkəb sahələrə asanlıqla yayılır və boşluqları doldurur. Eyni zamanda, xarici maqnit sahəsi vasitəsilə idarə oluna bilir.
Qeyd olunur ki, yeni texnologiya əvvəlki üsullardan fərqli olaraq daha təhlükəsizdir və əlavə əməliyyatlara ehtiyacı azalda bilər. Tədqiqatın nəticələri “Nature” jurnalında dərc olunub.
Bölmənin digər xəbərləri
