ÇUKOTKANIN QUBERNATORU BÖYÜK BRİTANİYADA ƏN VARLI ADAMDIR
Qəzet yazır ki, 37 yaşlı Rusiya vətəndaşı Britaniyanın say-seçmə varlılarının siyahısına ilk dəfə düşür. Ölkənin ən güclü futbol klublarından biri olan “Çelsi”, Londonun Belqreyv rayonunda dəbdəbəli ev və Susseks qraflığında malikanə onun mülkiyyətindədir. Abramoviçin var-dövləti 7,5 milyard funt sterlinq (14 milyard dollar) məbləğində qiymətləndirilir, onun artım sürəti ildə təxminən 440 milyon, yaxud saatda 50 min funtdur.
Bu yaxınlarda biznesmen 72 milyon funta “Pelorus” adlı yaxta almışdır. Heyəti 40 nəfərdən ibarət olan yaxtanın saxlanılması da Abramoviçə ildə 7 milyon funta başa gəlir.
Beləliklə, Çukotkanın qubernatoru Avropada ən zəngin adamlar arasında 6-cı yerdə, dünyada isə 22-ci yerdədir.
