Daimiləşmə ilə bağlı onlayn müsahibələrdə iştirak etməyənlər mayın 19-dək iştiraklarını təsdiqlədə bilər
Bakı, 19 may, AZƏRTAC
Müddətsiz əmək müqaviləsinin bağlanılması məqsədilə keçirilən onlayn müsahibələrdə iştirakını təsdiq etməyən namizədlər üçün yenidən imkan yaradılır. Həmin namizədlər şəxsi səhifələrində yerləşdirilmiş təlimatla tanış olaraq mayın 19-da saat 18:00-dək müsahibədə iştiraklarını təsdiq edə bilərlər.
Təhsil Nazirliyindən AZƏRTAC-a bildirilib ki, mayın 20-də dövlət ümumtəhsil müəssisələrində müddətli əmək müqaviləsi ilə çalışan müəllimlərlə müddətsiz əmək müqaviləsinin bağlanılması məqsədilə keçirilən onlayn müsahibələr yekunlaşacaq. On gündür davam edən müsahibələrdə 1000-ə yaxın namizəd iştirak edib.
Qeyd edilib ki, mayın 4-dən start verilən müsahibələrdə ilkin olaraq Bakı şəhərinin ümumtəhsil müəssisələrində müddətli müqavilə əsasında çalışan müəllimlər iştirak edib. Mayın 7-dən etibarən isə digər şəhər və rayonlar üzrə ümumtəhsil müəssisələrində müddətli müqavilə ilə çalışan müəllimlər onlayn müsahibələrə qoşulub.
Bölmənin digər xəbərləri
