“Daşkənd Open 2017” turnirində Azərbaycan təmsilçisinin ilk rəqibi məlum olub
Bakı, 1 may, AZƏRTAC
Sabah Daşkənddə 11-ci “Daşkənd Open 2017” turniri start götürür.
AZƏRTAC xəbər verir ki, Özbəkistanın birinci qrossmeysteri Georgi Aqzamovun xatirəsinə həsr olunmuş beynəlxalq turnir İsveçrə sistemi üzrə keçiriləcək və 9 turdan ibarət olacaq.
Turnirin “A” qrupunda 15 ölkədən 71 şahmatçı, o cümlədən 13 qrossmeyster iştirak edəcək. Yarışda Azərbaycanı qrossmeyster Vüqar Rəsulov təmsil edəcək. Vüqarın birinci rəqibi yerli şahmatçı Baxtior Cumayev olacaq. O, qara fiqurlarla oynayacaq.
Geoergi Aqzamovun xatirə turniri çərçivəsində yarışlar iki qrupda - əsas “A” və 12 yaşa qədər uşaqların yarışacağı “B” qruplarında keçiriləcək.
Ümumi mükafat fondu 20 min ABŞ dolları olan turnir mayın 10-da başa çatacaq.
Bölmənin digər xəbərləri
