“DƏDƏ QORQUD” QAZMA QURĞUSU YENİDƏN MODERNLƏŞDİRİLİR
Azərbaycan Beynəlxalq Əməliyyat Şirkətinin (ABƏŞ) sifarişinə əsasən “Dədə Qorqud” yarımdalma qazma qurğusunun modernləşdirilməsinə başlanmışdır. Bu iş “Kaspian Şipyard Kompani” (CSC) şirkətinin limanında görülür. Modernləşmə başa çatdıqdan sonra, martın əvvəllərində bu qurğu “Azəri”, “Çıraq”, “Günəşli” yataqlarında birinci və ikinci faza üzrə layihələrin həyata keçirilməsində iştirak edəcəkdir. Həmin yataqlarda dərinliyi 3-4 min metr olan istismar quyuları qazılacaqdır.
ABƏŞ-dən AZƏRTAC-a bildirmişlər ki, modernləşdirmə işləri cədvələ uyğun aparılır və müəyyən edilmiş vaxtda başa çatdırılacaqdır.
Bölmənin digər xəbərləri
