Denis Şmıqal: Dünya Bankı Ukraynaya daha 454 milyon dollar ayıracaq
Bakı, 10 dekabr, AZƏRTAC
Dünya Bankı səhiyyə sisteminin inkişafı üçün Kiyevə 454 milyon dollar vəsait ayıracaq.
AZƏRTAC xəbər verir ki, Ukraynanın Baş naziri Denis Şmıqal bu barədə özünün sosial media hesabında yazıb.
Məlumata görə, bu, Ukraynanın səhiyyə sistemində islahatların aparılmasına və onun səmərəliliyinin artırılmasına yardım məqsədi daşıyan THRIVE layihəsi çərçivəsində həyata keçiriləcək.
Kiyevə ayrılacaq vəsait Yaponiya hökuməti, Dünya Bankı, həmçinin Ukraynaya yardım, bərpa, yenidənqurma və islahat fondu vasitəsilə ödəniləcək.
Qeyd edək ki, Dünya Bankı 2022-ci ilin fevral ayından bəri Kiyevə sosial və humanitar xərclər üçün 40 milyard dollardan çox vəsait toplayıb. Ukrayna isə öz resurslarını tam olaraq ordunun təminatına yönəldir və sosial sahənin fəaliyyətini xarici vəsaitlər hesabına təmin edir.
Bölmənin digər xəbərləri
