DEPUTATLIĞA MAJORİTAR NAMİZƏDLƏRİN QEYDƏ ALINMASI BAŞA ÇATMIŞDIR
İqtidaryönümlü “Yeni Gürcüstan uğrunda” blokda 9 partiya birləşmiş və ilkin məlumata görə, onun siyahısı üzrə 79 nəfərin deputatlığa namizədliyi irəli sürülmüşdür.
Seçkilərdə ATƏT-dən 400 nəfər, Ədalətli Seçkilər Təsisatlarından isə 3 min nəfər müşahidəçi iştirak edəcəkdir. Gürcüstan müstəqillik qazandıqdan sonra heç bir seçkidə bu qədər müşahidəçi olmamışdır.
Prezident Eduard Şevardnadze yerli və xarici jurnalistlərlə ənənəvi görüşündə beynəlxalq təşkilatların Gürcüstanda seçkilərə belə maraq göstərməsinin səbəbini izah edərək demişdir ki, biz seçkilərin demokratik, şəffaf və ədalətli keçirilməsinin tərəfdarıyıq və çalışacağıq ki, bu kampaniyanı beynəlxalq normalara uyğun surətdə başa çatdıraq. O ki qaldı xarici ölkələrdən və beynəlxalq təşkilatlardan bu qədər müşahidəçi gəlməsinə, bizim etirazımız yoxdur, kim nə qədər istəyir müşahidəçi göndərə bilər. Biz bundan ehtiyat etmirik, çünki məqsədlərimiz üst-üstə düşür.
Bölmənin digər xəbərləri
