DİNİ QURUMLARLA İŞ ÜZRƏ DÖVLƏT KOMİTƏSİ SƏDRİNİN İRANA SƏFƏRİ BAŞA ÇATMIŞDIR
Səfərin ilk günü ümummilli lider Heydər Əliyevin ölkəmizin Tehrandakı səfirliyindəki büstü qarşısına əklil qoyulmuşdur.
Dörd gün davam edən səfər çərçivəsində H.Orucov İranın xarici işlər naziri Məniçehr Mottəki, mədəniyyət və islami irşad naziri Səfər Hərəndi, İran Prezidentinin müşaviri Səmərə Haşımi, Mədəniyyət və İslam Əlaqələri Təşkilatının sədri Mehdi Mustafavi və digər rəsmi şəxslərlə görüşmüş, Qum şəhərindəki Beynəlxalq Universitetdə təhsil alan azərbaycanlı tələbələrin təhsili ilə maraqlanmış, Təbriz, Məşhəd və Ərdəbildə olmuşdur.
Görüşlərdə islami dəyərlərin və regionda dini sabitliyin qorunmasına, dini dözümlülüyün möhkəmləndirilməsinə dair fikir mübadiləsi aparılmışdır.
Görüşlərdə iki ölkə arasında münasibətlərin inkişafında ulu öndər Heydər Əliyevin tarixi xidmətləri yüksək qiymətləndirilmiş, bu siyasətin Prezident İlham Əliyev tərəfindən də uğurla davam etdirildiyi vurğulanmışdır. Bildirilmişdir ki, Azərbaycan-İran əlaqələri inkişaf edir və bu, hər iki ölkənin xalqlarının ümumi maraqlarına tam uyğundur.
Azərbaycanın İrandakı səfiri Abbasəli Həsənov görüşlərdə iştirak etmişdir.
Bölmənin digər xəbərləri
