Dmitri Peskov: Moskva İran ətrafındakı gərginlikdən məyusdur
Moskva, 2 mart, AZƏRTAC
ABŞ-İran danışıqlarında irəliləyiş olması barədə məlumatlara baxmayaraq, Rusiya vəziyyətin açıq şəkildə təcavüz həddinə qədər pisləşməsindən məyusluğunu ifadə edib.
AZƏRTAC xəbər verir ki, bu fikirləri Rusiya Prezidentinin mətbuat katibi Dmitri Peskov bildirib.
Onun sözlərinə görə, Rusiya İran rəhbərliyi ilə daim əlaqə saxlayır və ölkə ətrafında baş verən hadisələri müzakirə edir. Kremlin sözçüsü Moskvanın İran ətrafındakı vəziyyətdən təsirlənən ölkələrin, o cümlədən Fars körfəzi dövlətlərinin rəhbərliyi ilə də əlaqələrini davam etdirdiyini qeyd edib.
Rusiyanın ABŞ-nin təklif etdiyi təhlükəsizlik zəmanəti formatına mümkün razılaşması ilə bağlı suala cavab olaraq Dmitri Peskov bildirib ki, bu mövzu eyni ərazi məsələləri kimi danışıqlar gündəmində qalır. Bununla belə, o, danışıqlar prosesinin məzmununun ictimaiyyətə açıqlanmayacağını vurğulayıb.
“Bundan əvvəl bildirmişdik ki, davam edən danışıqların məzmununu, hətta ən müxtəlif aspektləri belə ictimaiyyətə müzakirə etmək niyyətində deyilik. Bundan sonra bunu etməyəcəyik”, - deyə o əlavə edib.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
