“DÖVLƏT İDARƏÇİLİYİ: NƏZƏRİYYƏ VƏ TƏCRÜBƏ” JURNALININ NÖVBƏTİ NÖMRƏSİ ÇAPDAN ÇIXMIŞDIR
Azərbaycan Respublikası Prezidenti yanında Dövlət İdarəçilik Akademiyasının nəşri olan jurnalın bu nömrəsində oxucular ölkəmizin həyatında baş verən yeniliklər, dövlət idarəçiliyi və özünüidarəetmənin nəzəriyyəsi və təcrübəsindən bəhs edən məqalələrlə tanış ola bilərlər.
Jurnalda Azərbaycan Prezidenti İlham Əliyevin Fransaya, Rusiyaya, Qazaxıstana rəsmi səfərləri, qəbulları, fəlsəfə elmləri doktoru, professor Ramiz Mehdiyevin “Fəlsəfə” kitabı haqqında professor Vəli Həbiboğlunun “Yüksək elmi-fəlsəfi dəyərləri yaşadan dərs vəsaiti“ resenziyası, YAP-ın icraçı katibi, Milli Məclisin deputatı Əli Əhmədovun Prezidentin 100 gününə həsr olunmuş “Böyük nəticələr vəd edən uğurlu başlanğıc”, AMEA-nın müxbir üzvü Əli Nuriyevin “Azərbaycan Respublikasında sosial-iqtisadi inkişafın sürətləndirilməsi tədbirləri haqqında” ölkə Prezidentinin Fərmanı və regionların inkişafı”, əmək və əhalinin sosial müdafiəsi nazir Əli Nağıyevin “Dövlətin sosial müdafiə sahəsində siyasəti”, fəlsəfə elmləri doktoru, professor Qoşqar Əliyevin “Planetar təfəkkür bəşəri dəyərdir”, Milli Olimpiya Komitəsinin informasiya, nəşriyyat və olimpiya komitələri ilə əlaqələr idarəsinin direktoru Cəmaləddin Rəhmanovun “1991-2001-ci illərdə Azərbaycanda olimpiya hərəkatı”, akademiyanın müəllimi Rövşən Əzizovun “Vətəndaş cəmiyyətində dövlət hakimiyyəti” və digər materiallar təhsil ocağının həyatına dair mətbuat xülasələri dərc edilmişdir.
Bölmənin digər xəbərləri
