Dövlət İmtahan Mərkəzi sanitar-gigiyenik qaydalara uyğun olaraq beynəlxalq imtahanlar keçirib
Bakı, 13 iyun, AZƏRTAC
İyunun 8-dən 13-dək Dövlət İmtahan Mərkəzində (DİM) Pearson VUE (Virtual University Enterprises) tərəfindən təqdim olunan “Institute of Internal Auditors” təşkilatının “CIA Exam Part One: Essentials of Internal Auditing” və “Chartered Institute of Management Accountants” institutunun “P1 Management Accounting” adlı sertifikat imtahanları keçirilib.
DİM-dən AZƏRTAC-a bildirilib ki, ümumilikdə imtahanlarda həftə ərzində 2 nəfər iştirak edib. Keyfiyyətin və təhlükəsizliyin təmin edilməsi məqsədilə imtahanların keçirilməsinə dair bütün qaydalara və prosedurlara riayət olunub.
Dövlət İmtahan Mərkəzində verə biləcəyiniz müxtəlif ixtisas sahələri, həmçinin ingilis dili üzrə imtahanların vaxtı ilə dim.gov.az/news/5336/ linkində tanış olmaq olar.
İmtahanlara qeydiyyat və digər məsələlər ilə bağlı daha ətraflı məlumat http://dim.gov.az/activities/exams/pearson-vue/ linkində yerləşdirilib.
Bölmənin digər xəbərləri
