Dövlət Komitəsinin sədri Sabirabadda vətəndaşların müraciətlərini dinləyəcək
Bakı, 17 noyabr, AZƏRTAC
Mərkəzi icra hakimiyyəti orqanları və digər idarəetmə qurumlarının rəhbərlərinin şəhər və rayonlarda vətəndaşların qəbulu cədvəlinə uyğun olaraq, Dini Qurumlarla İş üzrə Dövlət Komitəsinin sədri Mübariz Qurbanlı noyabrın 23-də Saatlı, Sabirabad, İmişli, Beyləqan və Xocavənd rayonlarından olan vətəndaşlarla görüşəcək.
Komitədən AZƏRTAC-a bildiriblər ki, görüş saat 11:00-da Sabirabad rayon Heydər Əliyev Mərkəzində (ünvan: Heydər Əliyev prospekti, 95) keçiriləcək.
Komitənin fəaliyyət istiqamətlərinə uyğun olaraq qəbula gəlmək istəyən vətəndaşlardan Dövlət Komitəsinin İmişli bölgəsi üzrə şöbəsinə (Əlaqə vasitələri: (02124) 6-62-99, (050) 562-72-32, [email protected], [email protected]) müraciət etmələri xahiş olunur.
Bölmənin digər xəbərləri
