Dövlət Miqrasiya Xidmətinin rəisi vətəndaşlarla görüşəcək
Bakı, 23 may, AZƏRTAC
Dövlət Miqrasiya Xidmətinin rəisi Vüsal Hüseynov mayın 26-da saat 15:00-da Xidmətin aparatında vətəndaşlarla görüşəcək.
Xidmətin mətbuat mərkəzindən AZƏRTAC-a bildirilib ki, qəbulda iştirak etmək istəyənlər şəxsiyyətini təsdiq edən sənədlərlə mayın 25-dək paytaxtın Atatürk Prospekti 189 ünvanındakı Bakı şəhər regional miqrasiya baş idarəsinə yaxınlaşaraq qeydiyyatdan keçə bilərlər.
Qəbula yazılanlardan müraciətin səbəbini aydın və ətraflı göstərməklə şəxsiyyət vəsiqəsini (əcnəbi və vətəndaşlığı olmayan şəxs olduğu təqdirdə Azərbaycan Respublikası ərazisində olmasını və ya yaşamasını təsdiq edən müvafiq sənədi, xarici pasportunu və ya digər sərhədkeçmə sənədini), nümayəndə müraciət etdikdə isə əlavə olaraq bunu təsdiqləyən rəsmi sənədləri təqdim etmələri xahiş olunur.
Bölmənin digər xəbərləri
