DÖVLƏT NEFT FONDUNDA MƏTBUAT KONFRANSI
Yanvarın 22-də Dövlət Neft Fondunun icraçı direktoru Samir Şərifov fondun ötənilki fəaliyyətinin yekunlarına və 2002-ci ilin perspektivlərinə həsr olunmuş mətbuat konfransı keçirmişdir.
Samir Şərifov dedi ki, 1999-cu il dekabrın 29-da Azərbaycan Prezidenti Heydər Əliyevin Fərmanı ilə yaradılmış Neft Fondunun əsas məqsədi həmin sahədə əldə ediləcək gəlir dövlətimizin sosial-iqtisadi tərəqqisinə yönəltməkdir.
Icraçı direktorun bildirdi ki, Neft Fondunda 2002-ci il yanvarın 1-dək 491 milyon, bu günə qədər isə 512,5 milyon ABŞ dolları məbləğində vəsait toplanmışdır. Prezidentin Fərmanı ilə fondun 2002-ci ildəki büdcəsi təsdiq olunmuşdur. Büdcənin mədaxil hissəsi 880 milyard 196 milyon manat, məxaric hissəsi isə 153 milyard 484 milyon 5 min manat təşkil edir. Bu il xam neftin 717 milyard manatdan artıq gəlir əldə ediləcəyi gözlənilir.
Ötən il dövlətimizin başçısı Ermənistandan didərgin salınmış qaçqınların həyat şəraitinin yaxşılaşdırılmasına 83 milyard manat, Ağdam və Füzuli rayonlarından olan məcburi köçkünlər üçün mənzil tikintisinə isə 84 milyard manat vəsait ayırmışdır.
Bölmənin digər xəbərləri
