Dövlət Neft Şirkətinin “Tullantı Mərkəzi”ndə qazma şlamının qəbulu uğurla həyata keçirilir
Bakı, 17 may (AZƏRTAC). Azərbaycan Respublikası Dövlət Neft Şirkətinin (ARDNŞ) Ekologiya İdarəsinin “Tullantı Mərkəzi”ndə qazma şlamının qəbulu uğurla həyata keçirilir.
AZƏRTAC xəbər verir ki, ARDNŞ-in həyata keçirdiyi neft-qaz hasilatı, emal və digər fəaliyyətlər zamanı müxtəlif növ istehsalat tullantıları formalaşır və bu tullantılar müəssisələrdə növlər üzrə çeşidlənərək toplanılır. Həmin tullantılar gələcəkdə utilizasiya və təkrar emal üçün şirkətin tərkibində fəaliyyət göstərən “Tullantı Mərkəzi”nə verilir.
Mərkəzdə əvvəlki illərlə müqayisədə qazma şlamının qəbulu artmış və bu proses ətraf mühitin mühafizəsi, texniki təhlükəsizlik tələblərinə riayət olunmaqla həyata keçirilir.
Bölmənin digər xəbərləri
