Dövlət qurumları arasında IV minifutbol turnirinin qalibi bəlli olub
Bakı, 7 may, AZƏRTAC
Ulu Öndər Heydər Əliyevin xatirəsinə həsr olunmuş dövlət qurumları arasında IV minifutbol turnirinə yekun vurulub.
AZƏRTAC xəbər verir ki, Tennis Akademiyasında təşkil olunan final qarşılaşmasında SOCAR və “Azərişığ”ın komandaları üz-üzə gəliblər. 5:0 hesablı qələbə qazanan SOCAR turnirin qalibi olub.
Daha əvvəl üçüncü yer uğrunda görüşdə Ədliyyə Nazirliyinin komandası Baş Prokurorluğun komandasına 2:1 hesabı ilə qalib gələrək bürünc medala sahib çıxıb.
Qeyd edək ki, turnir Gənclər və İdman Nazirliyi, AFFA və Azərbaycan Minifutbol Federasiyasının birgə təşkilatçılığı ilə keçirilir.
Bölmənin digər xəbərləri
