Draqan Stoykoviç: Azərbaycan millisi təşkilatlanmış, yaxşı müdafiə olunan və əks-hücumlara çıxan komandadır
Bakı, 31 mart, AZƏRTAC
Bizi çox çətin oyun gözləyirdi. Bu gün qol buraxmadan qalib gəlmək istəyirdik. Ancaq oyunda ümumən çox səhvimiz olmadı.
AZƏRTAC xəbər verir ki, bunu futbol üzrə dünya çempionatının seçmə mərhələsi çərçivəsində Bakıda Azərbaycan yığmasının qonağı olan Serbiya millisinin baş məşqçisi Draqan Stoykoviç oyundan sonra təşkil olunan mətbuat konfransında deyib.
Mütəxəssis bildirib ki, Azərbaycan millisi təşkilatlanmış, yaxşı müdafiə olunan və əks-hücumlara çıxan komandadır. Bərabərlik qolundan sonra daha çətin oldu. Rəqibə geridönüş imkanı vermişdik. Ancaq sonra vəziyyəti öz xeyrimizə dəyişə bildik. Hər iki tərəf "Fair Play"ə uyğun oynadı. Bununla belə, istədiyimiz nəticəni qazandıq və 3 xal əldə etdik".
Qeyd edək ki, Bakı Olimpiya Stadionunda təşkil olunan Azərbaycan-Serbiya oyunu millimizin 1:2 hesablı məğlubiyyəti ilə başa çatıb.
Bölmənin digər xəbərləri
