DSMF-nin əməkdaşları vebinarda iştirak ediblər
Bakı, 6 fevral, AZƏRTAC
Dövlət Sosial Müdafiə Fondunun (DSMF) əməkdaşları Birləşmiş Krallığın “Lane Fondun Clark&Peacock LLP” konsaltinq qurumunun təşkilatçılığı ilə keçirilmiş “Sabit sosial ödənişlərə əsaslanan pensiya mexanizmlərində artıq vəsaitdən səmərəli istifadə: imkanlar və yanaşmalar” mövzusunda vebinarda iştirak ediblər.
Fondun mətbuat xidmətindən AZƏRTAC-a verilən məlumata görə, vebinarda artıq vəsaitlə bağlı ən son tənzimləyici, hüquqi və maliyyələşdirmə məsələlərinin araşdırılması, onun həm sponsorların, həm də benefisiarların maraqlarına uyğun şəkildə yönəldilməsi üçün praktik imkanların araşdırılması, o cümlədən daha geniş pensiya sxemləri üçün əlçatanlığı artıran yeni həllərin nəzərdən keçirilməsi müzakirə edilib.
Vebinarda risklərin idarəolunması və idarəetmənin nəticələri ilə bağlı fəaliyyət göstərən ekspert rəyləri də dinlənilib.
Bölmənin digər xəbərləri
