DÜNYA BANKI AZƏRBAYCANDA YOLLARIN YENİDƏN QURULMASINA 200 MİLYON DOLLAR KREDİT AYIRMIŞDIR
Layihə Ələt-Astara-İran sərhədi magistral yolunun bəzi hissələrinin yenidən qurulmasına və Bakıdan qərbdə yerləşən regionlara ən qısa gediş-gəlişi təmin edən Bakı-Şamaxı yolunun yenidən qurulmasına imkan verəcəkdir.
Ələt-Astara yolunun əsas hissələrinin yenidən qurulması nəticəsində yol daha geniş və xeyli qısa olacaqdır. Uzunluğu 230 kilometr olan yol müasir standartlara cavab verən dörd zolağadək genişləndiriləcək və əsas şəhərlərin yanından ötməklə təxminən 30 kilometr qısaldılacaqdır.
Əsasən dağlardan keçən 124 kilometrlik Bakı-Şamaxı yolu həm regionun iqtisadi həyatının yenidən canlandırılması, həm də təhlükəsizlik səbəbindən təcili təmir olunmalıdır.
Layihə iki əsas komponentdən ibarətdir. Birinci komponentə Ələt-Masallı, Bakı-Şamaxı və onların əsas giriş yollarının tikintisi və məsləhət xidmətləri daxildir. İkinci komponent milli yol administrasiyasının istismar və icra potensialını dəstəkləmək üçün texniki yardımın, təlimin və malların təmin edilməsini nəzərdə tutur.
Bölmənin digər xəbərləri
