DÜNYA ELMİNDƏ KƏND TƏSƏRRÜFATI BİTKİLƏRİNİN YABANI ƏCDADLARINA DİQQƏT ARTIR
AMEA-nın Genetik Ehtiyatlar İnstitutundan AZƏRTAC-a bildirmişlər ki, 100-dən çox ölkəni təmsil edən görkəmli alimlərin toplandığı konfransda yabanı bitkilərin qorunması və səmərəli istifadəsinin mühüm əhəmiyyət daşıdığı qeyd olunmuş, ərzaq təhlükəsizliyinin təmin edilməsi və yoxsulluğun aradan qaldırılmasında müvafiq sahənin rolunu artırmaq məqsədi ilə yaxın gələcək üçün layihə və proqramlar müzakirə edilmişdir.
Tədbir çərçivəsində keçirilən sərgidə Azərbaycan təbiətinin zənginliyini və alimlərimizin bu sahədə apardıqları tədqiqatları əks etdirən guşə konfrans iştirakçıları tərəfindən heyranlıqla qarşılanmışdır.
Konfransın yekun bəyannaməsində kənd təsərrüfatı bitkilərinin yabanı əcdadlarının böyük bir qisminin ən müxtəlif səbəblərdən məhv olmaq təhlükəsi ilə üzləşdiyi xüsusi vurğulanmış və bunun qarşısının alınması üçün nəzərdə tutulan tədbirlər müəyyənləşdirilmişdir.
Tədbirdə ölkəmizi AMEA-nın Genetik Ehtiyatlar İnstitutunun direktoru Zeynal Əkbərov təmsil etmişdir.
Bölmənin digər xəbərləri
