DÜNYADA ƏN SÜRƏTLİ LİFTLƏR ŞANXAYDA QURAŞDIRILMIŞDIR
AZƏRTAC xəbər verir ki, avqustun 30-da Şanxayda açılacaq Dünya Maliyyə Mərkəzinin (DMM) göydələnində təxminən yarım kilometrlik məsafəni saniyədə 10 metr sürətlə qalxan ən sürətli liftlər quraşdırılmışdır.
492 metrlik göydələn Şanxayın Pudun izgüzar rayonun yeni incisidir. On il ərzində Çinin materik hissəsində ən hündür bina “Szinmao” göydələni (420 metr) hesab olunurdu. 1 kvadratmetrinin aylıq qiyməti 1 min dollardan çox olan DMM-in ofislərində müxtəlif şirkətlərin 40 mindən çox əməkdaşı yerləşə biləcəkdir. Binada çoxsaylı turistlər üçün üç baxış meydançası var. Onlardan ən hündürü 100-cü mərtəbədə yerləşir. Bundan başqa, DMM-in binasında dünyada ən yüksəkdəki hovuzu (85-ci mərtəbə) olan beşulduzlu mehmanxana və 93-cu mərtəbədə isə restoran yerləşir.
Bölmənin digər xəbərləri
