Dünyada koronavirusdan ölənlərin sayı 600 min nəfəri ötüb
Bakı, 18 iyul, AZƏRTAC
Dünyada koronavirus infeksiyası səbəbindən ölənlərin sayı 600 min nəfəri ötüb
AZƏRTAC pandemiyanın statistikasını aparan Worldometer saytına istinadla xəbər verir ki, iyulun 17-də dünya üzrə 240 min 422 nəfər koronavirus infeksiyasına yoluxub, 5 min 558 nəfər isə vəfat edib.
Saytın son məlumatına əsasən, indiyədək koronavirus infeksiyasına 14 milyon 231 min 756 yoluxma və 600 min 315 ölüm faktı qeydə alınıb. Eyni zamanda, 8 milyon 501 min 26 nəfər COVID-19 xəstəliyindən sağalıb, müalicəsi davam edən 5 milyon 130 min 415 xəstədən 59 min 798-nin vəziyyəti ağır qiymətləndirilir.
Ötən sutka ərzində ən çox yoluxma halı ABŞ-da qeydə alınıb - 74 min 987. Beləliklə, Birləşmiş Ştatlarda COVID-19 infeksiyasına yoluxanların sayı 3 milyon 771 min nəfəri keçib. Bu göstəriciyə görə sonrakı yeri Braziliya tutur - 2 milyon 49 min 140 nəfər. Hindistanda 1 milyon 47 min 238, Rusiyada 765 min 437, Peruda 345 min 537, Cənubi Afrika Respublikasında isə 337 min 594 nəfər COVID-19 virusuna yoluxub.
ABŞ COVID-19 xəstəliyindən ölənlərin sayına görə də dünya lideridir - 142 min 80 nəfər. Bu göstərici üzrə ilk beşlikdə yer alan Braziliyada 77 min 964, Birləşmiş Krallıqda 45 min 233, Meksikada 38 min 310, İtaliyada isə 35 min 28 nəfər koronavirus səbəbindən həyatını itirib.
Son vaxtlar COVID-19 infeksiyasından sağalanlara nisbətdə ölənlərin sayında mütəmadi azalma müşahidə edilir. Hazırda bu göstərici 6,62 faizdir.
Bölmənin digər xəbərləri
