“EasyJet” aviaşirkəti kiberhücuma məruz qalıb
Paris, 20 may, AZƏRTAC
“EasyJet” aviaşirkəti kiberhücuma məruz qalıb.
AZƏRTAC xəbər verir ki, kiberhücum nəticəsində şirkətin 9 milyon müştərisinin şəxsi məlumatları ələ keçirilib.
Bildirilib ki, xakerlər əsasən müştərilərin elektron ünvanlarını və səyahətə dair məlumatları ilə bərabər, 2200 müştərinin kredit kartları ilə bağlı məlumatları da ələ keçiriblər.
“EasyJet” kampaniyası müştərilərinin kredit kartlarından qeyri-qanuni istifadə olunması ilə bağlı hələlik heç bir sübutun olmadığını bəyan edib. Vurğulanıb ki, müştərilərini mümkün təhlükələrdən qorumaq məqsədilə dərhal onları müdafiə tədbirləri ilə bağlı məlumatlandıracaq.
Şəhla Ağalarova
AZƏRTAC-ın xüsusi müxbiri
Paris
Bölmənin digər xəbərləri
