ƏBU-QÜREYB HƏBSXANASINDAN TƏXMİNƏN 500 MƏHBUS AZAD EDİLMİŞDİR
AZƏRTAC-ın İTAR-TASS agentliyindən aldığı xəbərə görə, oktyabrın 1-də Bağdadın Əbu-Qüreyb həbsxanasından təxminən 500 məhbus azad edilmişdir. ABŞ komandanlığı onları müsəlmanların müqəddəs Ramazan ayı ərəfəsində İraq hökumətinin xahişi ilə buraxmışdır. Beləliklə, bu həftə ərzində məşum Əbu-Qüreyb həbsxanasından min nəfərdən çox iraqlı azadlığa çıxmışdır. Ötən ay da həbsxanadan minə qədər məhbus azad edilmişdi.
Onlar demokratik İraqın itaətkar vətəndaşları olacaqları barədə öhdəlik imzalamışlar. Keçmiş məhbusların hər birinə 25 ABŞ dolları verilmişdir. Yalnız Amerika əsgərlərinə basqınlarda iştirakı olmayanlar azad edilmişlər.
Bölmənin digər xəbərləri
