Ədliyyə Akademiyasında 20 Yanvar şəhidlərinin xatirəsi ehtiramla yad olunmuşdur
Bakı, 18 yanvar (AZƏRTAC). Ədliyyə Nazirliyinin Ədliyyə Akademiyasında 20 Yanvar faciəsinin 23-cü ildönümünə həsr edilmiş tədbir keçirilmişdir.
Akademiyanın prorektoru, hüquq üzrə fəlsəfə doktoru İlham Abbasov tədbiri açdıqdan sonra 20 Yanvar şəhidlərinin əziz xatirəsi bir dəqiqəlik sükutla yad edilmişdir.
Yığıncaqda çıxış edənlər 20 Yanvar faciəsinin səbəblərindən danışmış, bu hadisənin Azərbaycan xalqının tarixində çağdaş milli-azadlıq hərəkatının şanlı qəhrəmanlıq səhifəsi olduğunu bildirmişlər. Qeyd edilmişdir ki, 1990-cı ilin yanvarın 19-dan 20-nə keçən gecə Azərbaycan xalqı yüzlərlə övladını qurban verməklə dünyaya sübut etmişdir ki, qəhrəman övladları ilə təpədən-dırnağa qədər silahlanmış sovet ordusu hissələrinin qarşısında dayanmağa qadir idi.
Yığıncaqda sovet imperiyasının törətdiyi qanlı terror aktlarından biri olan bu faciənin bəşəriyyətə, insanlığa qarşı törədilmiş ən ağır cinayətlərdən biri kimi qiymətləndirmişdir.
Yığıncaqda, həmçinin qeyd edilmişdir ki, yalnız ümummilli lider Heydər Əliyev özünün və yaxınlarının həyatını təhlükə qarşısında qoyaraq, yanvarın 21-də Azərbaycanın Moskvadakı daimi nümayəndəliyinə gələrək, xarici jurnalistlər qarşısında çıxış etmiş, imperiya siyasətini, o cümlədən, Mixail Qorbaçovun xalqımıza düşmən siyasətini qətiyyətlə ifşa etmişdir.
20 Yanvar faciəsinə də məhz ulu öndər Heydər Əliyevin təşəbbüsü ilə 1994-cü ildə siyasi-hüquqi qiymət verilişdir.
Bölmənin digər xəbərləri
